«Պատերազմական հանցագործ Ալիևը շարունակում է ավելացնել իր հոդվածների քանակը». Տարոն Սիմոնյան

ԼՀԿ խմբակցության պատգամավոր Տարոն Սիմոնյանը ֆեյսբուքյան իր էջում գրել է. «Պատերազմական հանցագործ Ալիևը շարունակում է ավելացնել այն հոդվածների քանակը, որոնցով ինքը պետք է դատապարտվի, իսկ Ադրբեջանը կրի դրա նյութական հետևանքները։
Այս անգամ էլ Ալիևը որոշել է Արցախից բռնազավթած տարածքներում գտնվող հայկական պատմամշակութային հուշարձանների վրայից մաքրել բոլոր հայկական հետքերը, այլ կերպ ասած՝ դրանց հիմնադրման վերաբերյալ հայկական արձանագրությունները։
Ստացվում է, որ այն հուշարձանները, որոնք չեն ոչնչացվում Ալիևի հրահանգով, զրկվում են հայկական հետքից։
Հիշեցնեմ, որ ՄԱԿ֊ի Արդարադատության միջազգային դատարանն իր նախադեպային գործերից մեկում նշել է, որ պատմամշակութային հուշարձանների ոչնչացումը ցեղասպանության իրականացման ակտ կարող է որակվել»։