«ՀՀԿ-ն քաղաքական որևէ գործընթացում դիտորդ չի լինելու». Շարմազանով

«Վարչապետի պաշտոնը զբաղեցնող անձի կողմից հայտարարություն անելը դեռևս դե յուրե չի նշանակում, որ կա ընտրություն»,- այսօր լրագրողների հետ զրույցում ասաց ՀՀԿ խոսնակ Էդուարդ Շարմազանովը։ «Երբ ԿԸՀ-ն կհայտարարի, որ կան ընտրություններ, ՀՀԿ-ն օրենքով սահմանված կարգով և ժամկետներում իր կարծիքը կհայտնի»,- նշեց նա՝ շեշտելով, որ ՀՀԿ-ն քաղաքական որևէ գործընթացում դիտորդ չի լինելու։
Հարցին, թե հնարավոր է, որ ՀՀԿ-ն քաղաքական կոալիցիա կազմի որևէ ուժի, այդ թվում՝ Ռոբերտ Քոչարյանի հետ, Շարմազանովը պատասխանեց․ «Ինչ-որ մեկը ֆեյսբուքյան գրառում ա արել, դուք արդեն ոտի վրա ուզում եք ասեմ, թե ինչ ենք քննարկում։ Մենք քաղաքական լուրջ ուժ ենք, երկրորդ նախագահը քաղաքական լուրջ գործիչ է․․․ Դուք ինձ նման հարց եք տալիս․․․ Մենք քնում-արթնանում ենք, թե տենանք կապիտուլյանտն ինչ պիտի գրի, որ սաղ կուսակցությունով հավաքվենք գործադիրի նի՞ստ անենք»։