«Բայդենի հաջորդ հայտարարությունը պակաս կարևոր չէ՝ Պուտինը պետք է պատժվի». Նաիրի Բադալյան

Քաղաքագետ Նաիրի Բադալյանը ֆեյբուքյան իր էջում գրել է. «Վերջին երկու օրը բոլորը՝ ով չալարեց, ասեց, որ Բայդենը ABC-ի Ստեֆանուպոլոսին հարցազրույցում պուտինին հրապարակայնորեն համարեց մարդասպան:
Բայց չեմ նկատել, որ արձանագրած լինեին Բայդենի հաջորդ՝ ոչ պակաս կարևոր հայտարարությունը, որ 2020թ. ամերիկյան ընտրությունների վրա ազդելու փորձի համար պուտինը պետք է պատժվի (will pay a price) ու շուտով տեսանելի կլինի այդ պատիժը:
Հարցազրույցն առնչվում էր երեքշաբթի օրը ԱՄՆ-ի հատուկ ծառայությունների հրապարակած համատեղ զեկույցին, որը հստակ արձանագրել էր, որ 2020թ. ԱՄՆ նախագահական ընտրություններում պուտինի ուղղակի հրամանով Ռուսաստանի բոլոր հատուկ ծառայություններն իրենց ողջ պրոպագանդիստական հնարավորություններով լծված էին Թրամփին օժանդակելու և Բայդենի մասին զրպարտություններ տարածելու ու նրա թեկնածությանը վնասելու գործին:
Ի դեպ, ամերիկյան հատուկ ծառայությունները ԼԱՎ ԲԱՆԱԼԻ-ԻՆԴԻԿԱՏՈՐ են տվել ռուսական հատուկ ծառայությունների պրոպագանդիստական ՌԵՍՈՒՐՍԸ ինտերնետում ընդհանրապես, և ֆեյսբուքում ու մեդիադաշտում մասնավորապես երևակելու ու ճանաչելու համար: Պարզապես հիշեք, թե ովքեր էին և ովքեր են շարունակում Բայդենի մասին տարածել «յանը տարած ու խելքը հետ տված», «պեդոֆիլ», «սատանիստ», «երեխաների արյուն խմող» ու նման՝ գռու-ի կեղտոտ խոհանոցում թխված՝ մեկը մեկից անհեթեթ ցնդաբանությունները:
Ինչպես յութուբի՝ ձեզ շատ ծանոթ ռուս «հակապուտին» վերլուծաբաններից, այնպես էլ հայաստանյան մեդիադաշտի «գուրու»-ներից ու ամեն ինչ ձեզ համար շատ ավելի պարզ կդառնա»: