«Այդ թալանը հեչ կապ չունի կրած պարտության հետ». Բաբկեն Պիպոյան

«Իրազեկ և պաշտպանված սպառող» ՀԿ նախագահ Բաբկեն Պիպոյանի գրառումը. «Ես ավելի քան վստահ եմ, որ բանակը թալանվել է ու բարձրաստիճան զինվորականների մեծամասնությունը, մեղմ ասած, չոր աշխատավարձի հույսին չեն եղել: Բայց նույնքան էլ վստահ եմ, որ այդ թալանը, հեչ կապ չունի կրած պարտության, առավել ևս՝ «թալանչիներ, թալանչիներ» գոռացողների ընկալումների հետ:

Զինվորը չի կերել այն որակի ու քանակի սնունդը, որն իր համար եղել է նախատեսված: Արդյո՞ք զինվորի ոչ լավ սնվելու հաշվին հարստացողներ չեն եղել:

Իհարկե՝ եղել են: Բայց, եթե զինվորը 30 գրամ կարագի փոխարեն կերել է 15 գրամ սփրեդ կամ տավարի, բարձր որակի, թարմ մսի փոխարեն այլ սնունդ է կերել, չի նշանակում, որ մնացել է սոված: Չի նշանակում, որ այդ զինվորը «պատրաստվել» է պարտության:

Նույն կերպ մի քանի վարտիք ու նասկի են պակաս ստացել, մեքենաների վազքն է եղել ավելի պակաս, քան թղթի վրա գրվել է վառելիքի ծախս ցույց տալու համար կամ, ի վերջո, զինվորի ծառայությունը կազմակերպվել է ոչ վիճակահանությամբ, այլ մի քանիսը հարստացել են, որ զինվորը ծառայի այն զորամասում, որն ավելի շատ է իր հոր սրտով:

Ցանկալի կլիե՞ր, որ այս արատավոր երևույթները տեղ ունեցած չլինեին՝ իհարկե, այո՛, բայց այդ արատավոր երևույթները ոչ մի կապ չունեն պարտության հետ: Իսկ ահա միայն նկարվելու համար ձեռք բերված ՍՈւ-երն ու անկազմակերպվածություը, արատավոր երևույթները միայն դրոշակ սարքելն ու անիմաստ աղաղակելը՝ ուղիղ ունեին: 2004-ին զինվորի չկերած սնունդն ու չհագած (չստացած) կիսավարտիքը (տրուսիկ) ոչ մի կապ չունեն 2020-ի խայտառակության հետ»: