«Ո՞վ է ասել, որ Նորքի ինտերնատը ձեզ ենք միացնում»․ Սոցապ փոխնախարար

230

Երկուշաբթի, 22 մարտի, 2021 թ., 12:45

Ինչպես արդեն տեղեկացրել ենք, Երևանի թիվ 1 տուն-ինտերնատի բնակիչները բողոքի ակցիա են իրականացնում՝ դեմ արտահայտվելով իրենց ծերանոցի և Նորքի տուն-ինտերնատի միացմանը։

«Ո՞վ է ասել, որ Նորքը ձեզ ենք միացնում, ո՞վ է ասել, որ նման բան է կատարվելու։ Իրավակազմակերպական ձևն է փոխվում ՊՈԱԿ-ների։ Մենք հիմա ստեղծելու ենք հավելյալ, նոր հերթերում գոյացած տատիկ-պապիկների համայնքահեն ծառայություններ՝ փոքր տների մոդել»,- Երևանի թիվ 1 տուն-ինտերնատի տարեց բնակիչների և լրագրողների հետ զրույցում ասաց ՀՀ Աշխատանքի և սոցիալական հարցերի նախարարի տեղակալ Տաթևիկ Ստեփանյանը՝ հերքելով նաև այն լուրը, թե Նորքի տուն-ինտերնատի գույքը վաճառվելու է։

Նոր տնօրենի նշանակման հետ կապված էլ ասաց, որ նախկին տնօրենի պաշտոնավարման ժամկետը լրացել է, ինչի պատճառով նշանակվել է նոր տնօրեն։