«Ինչի՞ էիք ընտրությունները կեղծում, կարող ա նորմալ մարդ գար, էսի չգար». Սերգեյ Դանիելյան

Դերասան, քաղաքական սատիրիկ Սերգեյ Դանիելյանը «YouTube»-ի իր էջում տեղադրել է նոր տեսանյութ, որտեղ անդրադառնում է ՀՀ-ում տիրող ներքաղաքական ճգնաժամին: Նա հայտնել է՝ ոչ մի կերպ չի կարողանում համակերպվել այն իրականության հետ, որում այժմ ապրում ենք:

Ըստ դերասանի անկախությունից հետո ՀՀ-ում միայն ստախոսությունը և կեղծ արժեքներն են տիրել. «Մենք կանգնած ենք մեծ ստի առաջ, մենք չենք կարողանում հասկանալ՝ ինչի են մեզ խաբում...: Ինչի՞ էիք ամեն ընտրություն կեղծում, կարողա նորմալ մարդ գար, էսի չգար (նկատի ունի Նիկոլ Փաշինյանին,- խմբ): Ինչի՞ եք ստեղծել էդ ապուշ պետական ինստիտուտները, որ էս ապուշները չեն կարողանում փոխել...: Մենք անմրցունակ ենք, մենք չունենք պետություն, ժողովուրդներ կան, որ երազում են պետություն ունենալու մասին, դարերով պայքարում են, որ պետություն ունենան, բայց չի ստացվում: Մեզ 100 տարվա ընթացքում 2-3 շանս ա տրվել, որ պետություն ունենանք ու չենք կարողանում, որովհետև մենք՝ բոլորս ստում ենք»,- ասել է Դանիելյանը: