Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Եթե 27 տարին լրացածների հետախուզումը պատերազմից առաջ հանեիք, էդ տղաները պատերազմին մեզ հետ կլինեին»․ Մարուքյանը՝ Քոչարյանին

«Եթե 27 տարին լրացածների հետախուզումը պատերազմից առաջ հանեիք, էդ տղաները պատերազմին մեզ հետ կլինեին»․ Մարուքյանը՝ Քոչարյանին
353
Երեքշաբթի, 23 մարտի, 2021 թ., 11:54

«Ես ուզում եմ ԼՀԿ-ի նախագծից խոսել, որով առաջարկվում էր, որ զինծառայողների չստացված արձակուրդային վճարները տրվեն, ինչը պաշտպանության հանձնաժողովում մերժվել է»,- այսօր ԱԺ նիստի ժամանակ հայտարարեց ԼՀԿ ղեկավար Էդմոն Մարուքյանը։

«Մերժվել է, բայց վստահ եմ, որ իշխանություններն այս նախագիծը կընդունեն, երբ որ իրենք կնախաձեռնեն, ոչ թե մենք։ Այդպես եմ ասում, որովհետև, պարո՛ն Քոչարյան, պատերազմից առաջ երկու անգամ առաջարկել ենք, որ 27 տարին լրացած հետախուզման մեջ գտնվող արական սեռի ՀՀ քաղաքացիների նկատմամբ համաներում կիրառենք, երկու անգամ ՊՆ-ի հետ ձեր հանձնաժողովը մերժել է»,- դիմելով իմքայլական Անդրանիկ Քոչարյանին՝ նկատեց Մարուքյանը։

«Մեկ էլ տեսնեմ, դուք օրերս ելույթ եք ունենում, ասում եք՝ իշխանությունը, համագործակցելով ՊՆ և այլ տարբեր մարմիններրի հետ, որոշել է համաներում իրականացնի․․․ Բա ապրե՜ք, բա շնորհակա՜լ ենք․․․ Բա ըտեղ գոնե մի հատ ասեք, որ ԼՀԿ-ն երկու անգամ առաջարկել է, մերժել եք։ Պարո՛ն Քոչարյան, պատերազմից առաջ որ ընդունեիք, էդ հազարավոր տղաները մեզ հետ կլինեին պատերազմի ժամանակ»,- ասաց ԼՀԿ ղեկավարը։

«Եթե մեր առաջարկած նախագիծը պատերազմից առաջ ընդունեիք, էդ հազարավոր տղաները մեզ հետ կլինեին պատերազմի ժամանակ»․ Մարուքյանը՝ Քոչարյանին