«Դատարանի նկատմամբ վիրավորական արտահայտություններ չանել». Գևորգ Բաղդասարյան

«Պաշտպանության կողմը չի ենթարկվում դատարանի կարգադրություններին ու դատական նիստը վեր է ածվել մի բանի, որն ընդհանրապես նման չէ նիստի: Առաջարկում եմ, որ դատարանը խորհուրդ տա պաշտպանության կողմին՝ դատարանի նկատմամբ վիրավորական արտահայտություններ չանել: Բոլոր հայտարարությունների մեջ էդպիսի քողարկված տերմիններ կան»,- ասաց մեղադրող դատախազ Գևորգ Բաղդասարյանը:

Հիշեցնենք՝ դատարանը քննարկում է Արմեն Գևորգյանի պաշտպան Էրիկ Ալեքսանյանի նկատմամբ դատական սանկցիա կիրառելու մասին հարցը՝ կապված փետրվարի 23-ին նշանակված դատական նիստին չներկայանալու հետ։ «Դուք հերթական անգամ ընդգծում եք Ձեր հատուկ բացասական վերաբերմունքը Արմեն Գևորգյանի նկատմամբ: Դուք օրինական դատարան չեք իմ ու Արմեն Գևորգյանի համար ու շարունակելու եք այդպիսին մնալ»,- ասել է Ալեքսանյանը: