Աննա Դանիբեկյանը հայտարարեց դատաքննության փուլի մեկնարկի մասին

Երևան քաղաքի ընդհանուր իրավասության դատարանը՝ դատավոր Աննա Դանիբեկյանի նախագահությամբ, հայտարարեց, որ Ռոբերտ Քոչարյանի և մյուսների գործը մտնում է դատաքննության փուլ, ինչին հաջորդեց այն, որ Ռ. Քոչարյանի պաշտպանները լքեցին նիստերի դահլիճը: Նիստը հետաձգվեց՝ նշանակվելով մարտի 30-ին:

Այս պահին Հայկ Ալումյանը պատասխանում է լրագրողների հարցերին: «Մի անգամ դատախազներն արդեն միջնորդել էին, որպեսզի մեզ զրկեն միջնորդություններ ներկայացնելու իրավունքից ու անցնեն դատաքննության: Դատարանը դատախազների միջնորդությունը մերժել էր, որովհետև օրենքով այդպիսի բան նախատեսված չէ: Հիմա, դատախազները նախավերջին նիստին նույն միջնորդությունից մի հատ էլ էին ներկայացրել: Էսօր դատարանն ինքն իրա որոշումը շրջանցեց»,- ասաց Քոչարյանի պաշտպանը: Ալումյանը հավելեց, որ իրենց հետագա քայլերի մասին դեռևս որոշում չեն կայացրել: