«Չի կարա «Իսկանդեր»-ը կիրառվի ու չպայթի». Մովսես Հակոբյան

Եվս մեկ անգամ անդրադառնալով պատերազմի ժամանակ «Իսկանդեր»-ի կիրառմանը և վարչապետի կողմից այդ մասով արված հայտատարությանը, Մովսես Հակոբյանը հայտարարեց. ««Իսկանդեր»-ը կիրառվել է, դա փաստ է, չի կարա «Իսկանդեր»-ը կիրառվի ու չպայթի: Կրած վնասների մասին միայն ու միայն կարա տեղեկություն տրամադրի հակառակորդը՝ հաշվի առնելով մի քանի հանգամանքներ: Առաջինը՝ այն տարածքը, որտեղ կիրառվել է, լավ տեսանելի չի, երկրորդը՝ կիրառման օրը եղել է ամպամած, ևս տեսանելիության խնդիր ենք ունեցել և ամենից կարևորը՝ դա պայթյունների արդյունքում կրած վնասներն ա, որ կարող է միայն ու միայն ասել հակառակորդը, եթե մենք այդ տարածքները հետագայում հետ չենք վերցրել, այսինքն՝ մենք արդյունքները չենք արձանագրել: Իսկ ես գիտեմ, որ որտեղ որ մենք կիրառել ենք, մենք այդ տարածքները հետ չենք վերցրել, և արդյունքները չենք կարա արձանագրենք»: