«Դատապարտյալներին ասում են՝ գիտեք չէ՞՝ ում պիտի ընտրեք, չընտրեցիք, խնդիրներ կունենաք»․ Նաիրա Զոհրաբյան

«Դիմում եմ արդարադատության նախարարին, խնդրում եմ ստուգե՛ք և ճշտե՛ք»,- այսօր ԱԺ ամբիոնից Ռուստամ Բադասյանին դիմեց ԲՀԿ-ական պատգամավոր Նաիրա Զոհրաբյանը։ «Քրեակատարողական հիմնարկների դատապարտյալների, կալանավորների հարազատներից ստացել եմ ահազանգեր, որ դատապարտյալների հիվանդանոցի փոխտնօրեն Սմբատ Բուլղադարյանը, Նուբարաշենի քրեակատարողական հիմնարկից Գևորգ Վարոսյանը, Արմավիր քրեկատարողական հիմնարկի ռեժիմի տարբեր աշխատակիցներ հանդիպում են դատապարտյալներին և ասում՝ գիտեք չէ՞՝ ում պիտի ընտրեք, նայե՛ք, հա, չընտրեցիք, խնդիրներ կունենաք»,- հայտարարեց Զոհրաբյանը։