«Դեռ կան մարդիկ, որ երկիրը կործանածի հետ հույս են կապում». Կարինե Հարությունյան

Լրագրող Կարինե Հարությունյանը ֆեյսբուքյան իր էջում գրել է․ «Ցավոք, դեռ կան մարդիկ (մտածելու ունակների մասին է խոսքը), որոնք երկիրը կործանածի հետ հույս են կապում:
Ուրեմն, երկրի ղեկավարն ընտրի պատերազմը՝ խաղաղության փոխարեն (ասում եմ-պնդում եմ՝ ընտրի պատերազմը, երբ կարող էր խաղաղությամբ հարցը լուծել), պատերազմը դադարեցնելու համար որևէ ջանք չթափի մինչև այն պահը, երբ արդեն հազարավոր զոհեր ունեինք- բանակը ջլատվել էր, ժողովուրդն արնաքամ էր՝ փողոցներն ընկած, ու դեռ մարդիկ չմտածեն էս մասին, ու դեռ ասեն՝ Ալիևն է մեղավոր, Էրդողանն էր մեղավոր, Պուտինն էր մեղավոր...
Ստացվում է՝ բոլորը մեղավոր էին, բացի իրենց պաշտպանյալ արկածախնդիր փառասերից:
Ախր, ոնց կարելի է չտեսնել ակնհայտը: Ախր երկիր ենք կորցրել, ժողովուրդ: Այո՜, կորցրել ենք մեր երկրի մի մասը: Առանց Ղարաբաղ Հայաստանն ի՞նչ է, առանց ղարաբաղցու եղբայրության հայաստանցին ու՞մ է պետք: Հարցրեք ղարաբաղցուն՝ Հայաստանի ղեկավարությանը վստահու՞մ է:
Ախր Ղարաբաղը տվողը ձեր պաշտպանյալ խեղկատակն էր: Այո՛, տվողը, այն էլ՝ մեծ կորուստներով: Ախր կարելի էր հարակից շրջանները տալ առանց Ղարաբաղի մազին կպնելու, էլ չեմ ասում՝ առանց զոհերի, առանց տնավեր ժողովրդի, առանց տասը հազար հաշմված տղաների...
Դուք ո՞նց չեք տեսնում էս ամենը, երբ արդարացնում եք Նիկոլին: Ապշում եմ, հաճախ խեղդվում եմ ձեր փաստաբանությունից: Ուրեմն՝ թքա՞ծ էդ զոհերի, էդ հաշմանդամների վրա»: