«Իրենք մարզերում մարդ չունեն, որ առաջադրեն ռեյտինգային ընտրակարգով». Թագուհի Թովմասյան

Երեկ՝ ԱԺ-Կառավարություն հարցուպատասխանի ժամանակ, վարչապետ Նիկոլ Փաշինյանը հայտարարեց, որ խորհրդարանական մեծամասնությունը որոշել է խորհրդարանական արտահերթ ընտրություններն անցկացնել փակ համամասնական ընտրակարգով:
«Ես կարծում եմ, որ պատճառը ռեյտինգային համակարգի մերժումն է, որովհետև ակնհայտ է այն, որ թեպետ իշխանությունը երկու տարուց ավելի է՝ կառավարում է, սակայն չունի իր մեջ բարձր հեղինակություն ունեցող մարդիկ»,- այսօր լրագրողների հետ ճեպազրույցում անդրադառնալով իշխանության որոշմանը՝ ասաց անկախ պատգամավոր Թագուհի Թովմասյանը:
«Իրենք ուղղակի մարզերում մարդ չունեն, որ առաջադրեն ռեյտինգային ընտրակարգով, և քանի որ այս ընտրություններն առաջվա հեղափոխական էյֆորիայի ֆոնին չեն, և մարդիկ ավելի սթափ են դատում, ավելի ռեալ է, որ ավելի հեղինակություն ունեցող այլ կուսակցությունից առաջադրված մարդը լուրջ ձայներ հավաքի»,- նկատեց պատգամավորը: