«Դա կարող է Մոսկվայից իջեցված հրաման լինել». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Լուրջ կասկածներ ունեմ, որ Սահմանադրական դատարանի որոշումը՝ Ռոբերտ Քոչարյանի հետ կապված 300.1 հոդվածի հակասահմանադրական ճանաչելու կապակցությամբ, ինչպես նաև դրա արդյունքում՝ Քոչարյանի նկատմամբ քրեական հետապնդման կասեցումը արդյունք է նաև ՍԴ «սեփական» անդամներին տրված Փաշինյանի հնարավոր հանձնարարականի հետ՝ փաստացիորեն ազատել երկրորդ նախագահին քրեական հետապնդումից։
Դա կարող է Մոսկվայի բոլոր ժամանակների լավագույն կամակատար Փաշինյանին Մոսկվայից իջեցված հրաման լինել՝ կապված առաջիկայում հնարավոր իշխանափոխության հետ։ Մոսկվային Հայաստանում շուտով անհրաժեշտ է լինելու Հայաստանում բռնատիրության փորձ ունեցող ռուսական նոր սատրապ, որ գալով իշխանության՝ և՛ երկիրը կպահի Ռուսաստանի ճիրաններում, որպեսզի բարեհաջող և անարգել ավարտվեն Սյունիքի՝ Թուրքիային հանձնման նախապատրաստական աշխատանքները և՛ ընդդիմության դաշտը այլևս վերջնականապես կոչնչացնի, և՛ Փաշինյանի հետվարչապետական հարցերը կլուծի։ Ընդ որում՝ լինելով վրեժխնդիր բնավորության կրող և էությամբ դաժան՝ դա կանի առավել դաժան և առավել վճռական կերպով։
Առջևում բարդ ժամանակներ և օրեր են։ Եվ միայն ազգային-ժողովրդավարական ուժերը կարող են և ունակ են փոխելու իրավիճակը Հայաստանում և այն շրջել բռնած կործանման ուղուց»։