«Այո՛, առաջիկայում ես հրաժարական եմ տալու». Նիկոլ Փաշինյան

Նիկոլ Փաշինյանն այսօր Արագած համայնքում խոսել է արտահերթ ընտրությունների և իր հրաժարականի մասին. «Այո՛, առաջիկայում ես հրաժարական եմ տալու, ապրիլին: Ինչո՞ւ. ոչ թե հրաժարական եմ տալու գնամ, այլ հրաժարական եմ տալու, որ տեղի ունենան արտահերթ ընտրություններ: Այդ ընթացքում շարունակելու եմ լինել վարչապետի պարտականությունները կատարող: Եթե դուք կվերահաստատեք ձեր մանդատը, ես, մեր թիմը կշարունակենք ծառայել ձեզ շատ ավելի լավ, քան՝ նախկինում, եթե չեք վերահաստատի, մենք խոնարհաբար իշխանությունը կփոխանցենք նրան, ում դուք կընտրեք»,- հայտարարել է Փաշինյանը: