«Ես թիվ մեկ պատահականության անտրամաբանական քայլերից արդեն չեմ զարմանում»․ Սենոր Հասրաթյան

Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրել է․ «Ազգը, որն ապրելով 21-րդ դարում, գաղափարախոսության անկյունաքար է դարձնում մեկ այլ ազգի հանդեպ այլատյացությունը և դա իրականացնելու համար անխտիր օգտագործում քաղաքակրթությանն անհարիր բոլոր միջոցներն ու գործիքակազմերը, օրինաչափորեն վեր է ածվում հազարամյակների խորխորատում թափառող ցեղի: Իսկ նա, ով անտեսելով այդ ամենը, հույսեր է փայփայում փոխըմբռնման եզրեր գտնել այդ տեսակի հետ, դառնում է ոչ այլ ինչ, քան սեփական ինքնությունը, հանուն թվացյալ «խաղաղ համակեցության», նույն այդ ցեղախմբին զոհաբերող ոչնչության...
Հ.Գ.- Ես ոչ այդ պատահականությունների խմբակի, ոչ էլ թիվ մեկ պատահականության անտրամաբանական քայլերից արդեն չեմ զարմանում, ես զարմանում եմ բոլոր նրանց պահվածքից, ովքեր ոչ միայն շարունակում են կուրորեն հավատալ այդ ազգադավերին, այլև ժպտերես միամտությամբ նրանց դիմավորում են աղ ու հացով...»։