«Իմ երեխու ընկերներից զորացրվել, եկել են, բոլորը հոգեմետ դեղեր են խմում». զինծառայողի ծնող

Ժամկետային զինծառայողների ծնողները կրկին բողոքի ակցիա են իրականացնում Կառավարության շենքի դիմաց: «Էս վերջերս ինչ հարցով որ դիմում ենք, արհամարհված ենք, նկատի ունեմ՝ օնլայն հասցեագրումները: Ես զինծառայողի ծնող եմ: Առաջին անգամ եմ էստեղ: Նախկիններից ես զվվում եմ, ներկաներն էլ ինչ-որ անհասկանալի բաներ են անում... Ես իմ զավակին գնում, տեսնում եմ: 44 օր Արցախում եղավ, դրանից առաջ՝ Տավուշյան դեպքերն էին: Խնդիրն էդ չի, իմ երեխու ընկերներից զորացրվել, եկել են, բոլորը հոգեմետ դեղեր են խմում: Ո՞նց կարելի է նրանց հավասարեցնել խաղաղ պայմաններում ծառայածների հետ, ինչ-որ մի բան կարելի ա անել չէ՞: Իմ տղեն մի տարի ունի ծառայելու, բայց պե՛տք ա ինչ-որ ժամկետ կրճատեն, որ էդ երեխեքին տեր ըլնենք»,- ասաց ժամկետային զինծառայողի ծնող Արմեն Ավետիսյանը: