«Եթե դառնանք ԱՄՆ դաշնակիցը, ՀՀ-ն ապագա կունենա». Արա Պապյան

Դիվանագետ, պատմաբան Արա Պապյանը «Ֆակտոր»-ի եթերում հայտնել է, որ այս ծանր իրավիճակում Հայաստանը մի ելք ունի՝ դառնալ ԱՄՆ-ի դաշնակիցը. «Եթե կդառնանք, ուրեմն՝ Հայաստանն ապագա կունենա, եթե չենք դառնա՝ Հայաստանն ապագա չի ունենա։ Սա շատ պարզ է և սա խնդիրը չէ, որ ասում են՝ «Ռուսաստան-Թուրքիա ընտրության հարց է», սա արդեն Թուրքիա-Միացյալ Նահանգներ ընտրության հարց է՝ մենք ապագայում ո՞ւմ հետ ենք ուզում լինել, ո՞ւմ իշխանության տակ՝ Թուրքիայի, թե՞ Միացյալ Նահանգների։ Պարզապես Ռուսաստանին ձեռնտու է մեզ հանձնել Թուրքիային, այդ մասին Պեսկովն ուղիղ ասաց, որ «թուրքերը մեզ համար ավելի ընդունելի են Հարավային Կովկասում, քան Արևմուտքը»։ Մեզ համար ընդունելի չէ։ Եվ միակ աշխարհաքաղաքական, ռազմական ուժը, որը կարող է ներկայություն ապահովել նման հեռավորության վրա, Միացյալ Նահանգներն է։ Այստեղ խնդիրն այն է՝ կկարողանա՞նք մենք նման շահագրգռություններ ներկայացնել ԱՄՆ-ին կամ ունե՞նք նման կարևորություն, որպեսզի իրենք իսկապես ուզենան միջամտել այս հակամարտությանը»,- ասել է նա:

Մանրամասները՝ տեսանյութում: