«Կոչ ենք անում հանրությանը՝ պոկվել դիվաններից և դուրս գալ փողոց». Տիգրան Խզմալյան

«Ազգային բևեռը փորձում է իր այս անսովոր ձևաչափով դիմել մեր հանրությանը և հնարավորություն տալ նրան՝ պոկվել դիվաններից և դուրս գալ փողոց»,- այսօրվա ասուլիսի ժամանակ ասաց Ազգային ժողովրդավարական բևեռի անդամ Տիգրան Խզմալյանը:

Ըստ նրա՝ ազատ ընտրությունների համար ամբողջ աշխարհում գոյություն ունի մեկ գլխավոր նախապայման՝ ազատ խոսքը. «Դժբախտ պետությունները նրանք են, որտեղ քաղաքացիները չեն ցանկանում կամ չեն ուզում զբաղվել իրենց իսկ ճակատագրով, ինչը սովորաբար կոչում են քաղաքականություն: Ո՛չ, դա քաղաքականություն չէ, դա քաղաքացու իրավունքն է, միաժամանակ պարտականությունը»,- նշեց Խզմալյանը: