«Երկուսին էլ ձեռնտու է, որ երրորդ ուժը չհայտնվի ասպարեզում». Կարինե Հարությունյան

Լրագրող Կարինե Հարությունյանը ֆեյսբուքյան իր էջում գրել է․ «Տպավորություն կա, թե այս ամենն արվեց Ռոբին հետ բերելու համար: Այսինքն՝ մի թուլամորթ ու անողնաշար հիստերիկ էր պետք, որն իր տգիտությանն ու փառասիրությանը զոհ տար երկիրը, որպեսզի Ռոբի նման հանցագործը նրա կողքին ուժի և հավասարակշռվածության մարմնացում երևար:

Չի բացառվում, որ նրանք նույնիսկ համագործակցում են: Համենայնդեպս, մինչև հիմա տեղի ունեցածը դրա մասին է հուշում: Նիկոլին ձեռնտու է Ռոբերտի նման հակառակորդը, Ռոբերտին ձեռնտու է Նիկոլի նմանին որպես հակառակորդ ցուցադրելը: Եվ երկուսին էլ ձեռնտու է, որ երրորդ ուժը, որը շատերը պատկերացնում են ի դեմս Լևոն Տեր-Պետրոսյանի, չհայտնվի ասպարեզում և ժողովրդի կողմից չճանաչվի որպես իրական այլընտրանք»: