«Ուզում եմ ձեզ պատմել, թե ինչու եմ ամենուրեք ասում, որ Փաշինյանը սատկի, պրծնենք»․ Հրանտ Բագրատյան

«Ես ուզում եմ ձեզ իմ պատմությունը պատմել, թե ինչի եմ խորշում Նիկոլ Փաշինյանից, ինչու եմ ամենուրեք բացահայտ ասում, որ սատկի, պրծնենք, ի վերջո, պառլամենտում կողքս նստած էր և հինգ տարի հետը չէի խոսում․․․»,- այսօր՝ «Հայրենիքի փրկության շարժման» հանրահավաքի ժամանակ հայտարարեց ՀՀ նախկին վարչապետ Հրանտ Բագրատյանը։

«Մենք շանս ունեինք էդ պատերազմում չպարտվելու... Մենք իրան ասում էինք՝ «Իսկանդեր»-ով խփի՛, նավթամուղ, գազամուղ պայթացրո՛ւ, ինքը, չգիտես ինչու, խփում էր Գյանջայի հինգհարկանի շենքերին․․․ Մենք ասում էինք ատոմակայանում թափոններ կան, արա՛, մենք ունենք, իրանք չունեն, լցրու սկատների մեջ, կրակի վրաները, ստեղծի միջուկային զոնա, որ չկարենա զորքը գա․․․ Ոչինչ չարեց, մատը մատին չտվեց, որ մի բան անի»,- ասաց Բագրատյանը։