Միհրան Հարությունյանը Մոնթեի խոսքերի ներքո է դուրս եկել հաղթական մենամարտին

Հունահռոմեական ոճի ըմբշամարտի Օլիմպիական խաղերի փոխչեմպիոն, խառը մենամարտերի մարտիկ Միհրան Հարությունյանը 4-րդ հաղթանակն է տարել MMA-ում:

Մոսկվայում կայացած Eagles FC 35 մրցաշարում նա մրցել է ռուսաստանցի Ախմեդխան Ախմեդովի հետ և 3 րոպե 17 վայրկյանում նոկաուտի ենթարկել մրցակցին։

Արցախյան վերջին պատերազմին մասնակցած Միհրան Հարությունյանը ռինգին մոտեցել է Մոնթե Մելքոնյանի հայտնի խոսքերի ներքո՝ «Անկարելի է խաղաղություն տեսնել առանց մեր հաղթանակի: Պետք է հիմա մեր ամբողջ ուժը դնենք այս գործի մեջ, հաղթենք»: Այս խոսքերից հետո հնչել է հայկական դուդուկը, բեմադրվել է հայկական «Քոչարին»:

Այս մենամարտը Միհրան Հարությունյանի համար 5-րդն էր MMA-ում:

Տեսանյութում հատվածը՝ 48:50-րդ րոպեից: