Ղրիմում ահաբեկչություն է կանխվել

877

Ուրբաթ, 09 ապրիլի, 2021 թ., 15:24

Ղրիմում ուժայինները ձերբակալել են 2 իսլամիստի, որոնք ծրագրել էին պայթյուն կազմակերպել Սիմֆերոպոլի կրթական հաստատություններից մեկում:

Ինչպես հայտնել է ԱԴԾ-ն, ահաբեկչությունը նախապատրաստել էին 1992 և 1999 թվականներին ծնված ռուսաստանցիները: Նշվում է, որ նրանք «Հայաթ Թահրիր աշ Շամ» կազմակերպության կողմնակիցներ են։

Օպերատիվ տվյալների համաձայն՝ հանցագործները ցանկացել են հարձակման համար ինքնաշեն ռումբեր օգտագործել։ Հետագայում ծայրահեղականները պատրաստվում էին Ուկրաինայի և Թուրքիայի տարածքով մեկնել Սիրիա։

Ձերբակալվածների տնից առգրավվել են պայթուցիկ նյութեր և ռումբերի այլ բաղադրիչներ:

Ուժայինները նաև հասանելիություն են ստացել նամակագրությանը և ձայնային հաղորդագրություններին, որոնցում ահաբեկիչների էմիսարների հետ զինյալները քննարկել են իրենց ծրագրերը: