«Մեզ առաջարկում են կեղծ ընտրություն՝ թուրքական ծովում կամ ռուսական ճահճում խեղդվելու միջև»․ Գ․ Չուքասզյան

«Մեզ հեռվից ունկնդրող սիրելի ժողովուրդ, վերջապես պետք է գիտակցես, որ թե՛ ներկա, թե՛ նախկին իշխանությունները մեզ առաջարկում են կեղծ ընտրություն՝ թուրքական ծովում կամ ռուսական ճահճում խեղդվելու միջև, մեր պետականության ծառը կա՛մ թուրքական կացնով, կա՛մ էլ ռուսական սղոցով կտրելու միջև»,- «Ազատության» հրապարակում ընթացող հանրահավաքի ժամանակ իր ելույթում ասաց Ազգային-ժողովրդավարական բևեռի խորհրդի անդամ Գարեգին Չուքասզյանը՝ կոչ անելով համախմբվել Բևեռի շուրջ։

«Անմեղսունակների կրկեսը շարունակվում է։ Սրա առաջն առնելու մի միջոց է մնացել՝ ժողովրդի արթնանալը և իր խեցուց դուրս գալը․․․Մենք շարունակում ենք ապրել արտակարգ իրավիճակում, իսկ արտակարգ իրավիճակում ընտրություններ չեն անցկացվում, այլ՝ հակաճգնաժամային մոբիլիզացիա և այլ գործողություններ են իրականացվում»,- ասաց Չուքասզյանը։