Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Ռուսական դավադրությունների ցանկը շարունակվում է». Նարինե Մկրտչյան

«Ռուսական դավադրությունների ցանկը շարունակվում է». Նարինե Մկրտչյան
430
Երկուշաբթի, 19 ապրիլի, 2021 թ., 23:08

Մամուլի ազգային ակումբի նախագահ, «Քաղաքական լիգայի» համակարգող Նարինե Մկրտչյանը ֆեյսբուքյան իր էջում գրել է. «Հայ գերիների և տեղահանվածների հարցը ԵԽԽՎ լիագումար նիստի օրակարգ ներառելուն «դեմ» և «ձեռնպահ» է քվեարկել ռուսական պատվիրակությունը: Ձեր պաշտելի ռազմավարական դաշնակիցը, իսկ իրականում՝ Հայաստանի ռազմավարական հակառակորդը: Է՞լ ինչ պետք է անի Ռուսաստանը, որ հայ ժողովուրդը արթնանա 200-ամյա քաղաքական թմբիրից:
Սա ոչ թե վերջակետն է ռուսական դավադրությունների, այլ ընդամենը ստորակետ է, քանի որ այդ դավադրությունների ցանկը շարունակելի է:
Կուզենայի, որ ՌԴ պատվիրակության այս քայլը մեկնաբանեին հայաստանյան մի շարք կուսակցություններ, քաղաքական նախաձեռնություններ, անհատներ, մասնավորապես՝
- Տիգրան Ուրիխանյանն ու «Ալյանսը»
- Հայկ Բաբուխանյանն ու ՍԻՄ-ը
- «Հայրենիքը» և Արթուր Վանեցյանը
- ՔՊ-ն և Նիկոլ Փաշինյանը
- ՀՀԿ-ն և Սերժ Սարգսյանը
- ՀԱԿ-ը և Լևոն Տեր-Պետրոսյանը
- ԲՀԿ-ն և Գագիկ Ծառուկյանը
- «Վերնատունը» և Վազգեն Մանուկյանը
- ՀՅԴ-ն և Իշխան Սաղաթելյանը
- Միքայել Մինասյանը և յուր թիմը:
Ցանկը մեծ է, բոլորին անհնար է հիշել: Նրանք դեռ բացահայտվածներն են, իսկ դեռ որքան քողարկվածներ կան: Դեռ պետք է թափ տալ նաև «արևմտամետների» ցանկը. և ռուսաական շահերի պաշտպանները կթափվեն, ինչպես առատության եղջյուրից:
Ով հայ ժողովուրդ՝ քո փրկությունը աչքերդ բացելու մեջ է»: