«Մոսկվան այս քվեարկությամբ հավատարմություն է հայտնում Թուրքիային». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Իհարկե, այսօրվա ընթացքում տասնյակ հիմարաբանություններ ու խուճուճ վերլուծություններ կարդացինք ԵԽԽՎ-ում ռուսական պատվիրակության հակահայկական քվեարկության կապակցությամբ:

Եթե ողբերգական չլիներ, առնվազն զավեշտալի կլինեին նախկին ռեժիմի մի բույլ ներկայացուցիչների դավաճանական տխմարաբանությունները, որով պաշտոնական Մոսկվային քծնելու հանուն արդարացումներ են գտնում այս քվեարկության համար:

Բայց ինչ էլ խոսեն, ինչպես էլ քծնեն և հիմարեցնեն... Իրականությունը մեկն է և դա շատ պարզ իրականություն է.
Մոսկվան այս քվեարկությամբ հավատարմություն է հայտնում Թուրքիային՝ Ադրբեջանի ձեռքում թողնելով հայ ռազմագերիների խաղաքարտ-ճնշման գործիքը և միաժամանակ ստորացնում է Երևանին՝ ևս մեկ անգամ ցույց տալով ու հայերին հասկացնելով, որ իր համար Հայաստանը փալաս է: Միաժամանակ ստուգում է իրենից իշխանություն աղերսող իր հայաստանյան քաղաքական ստրուկների հավատարմության աստիճանը՝ նրանց հետագայում օգտագործելու համար Հայաստանի վստահելի դավաճանների ցուցակում ներառելու համար:

Եվ այսքանից հետո էլի կան մարդիկ, որ կարծում են թե Մոսկվան փրկելու է հայերին թուրքերից, օգնում է հայերին Արցախի փոքրիկ մնացորդում և դեռևս կարող է Հայաստանի դաշնակից համարվել»: