«Հայաստանը պատրաստվում է ոչ թե խաղաղության, այլ ռևանշի». Ադրբեջանի ներկայացուցչի ելույթը ԵԽԽՎ-ում

ԵԽԽՎ նստաշրջանի Ադրբեջանի ներկայացուցիչ Քամալ Ջաֆարովը հայտարարեց, թե իրենք շատ հիասթափված են այս նստաշրջանի որոշումից: Նա նշեց, թե այդ վեհաժողովը տարիներ առաջ լռեց, երբ միլիոնից ավելի ադրբեջանցիներ դարձան փախստական, լռեց, այսպես կոչված, ցեղասպանության ժամանակ: «Դուք գիտեք, որ շուտով Հայաստանում ընտրություններ են լինելու և իշխանությունները մեր այս հարթակն օգտագործում են՝ իրենց ժողովրդին ցույց տալու համար, թե իրենք նախկինի պես պետք են իրենց: Նրանք մեր այս հարթակն օգտագործում են՝ չարաշահելով հարազատների ցավը: Նրանք չպետք է այս հարթակն օգտագործեն իրենց անձնական շահերի համար: Նրանք բարձրաձայնում են ձերբակալվածների մասին, այնինչ կան ավելի կարևոր հարցեր՝ ականապատ դաշտերի ականազերծումը: 20 ադրբեջանցի քաղաքացիական անձ է զոհվել ականների պայթյունից, այնինչ Հայաստանը հրաժարվում է տալ ականապատ դաշտերի քարտեզը: Սա ռազմական հանցագործություն է: Հայաստանը չի պատրաստվում խաղաղության, այլ՝ ռևանշի: Մեր խորհուրդն է հայերին՝ գնացեք ձեր տները և պատրաստեք ձեր քաղաքացիներին, համոզեք նրանց՝ ապրել խաղաղ»: