«Ուզեցին ներս գալ, ասացի՝ ոչ, դուռը փակեցի, հետո ներխուժեցին տուն». շուռնուխցին՝ Փաշինյանի այցի մասին

Երեկ հայտնի դարձավ, որ Նիկոլ Փաշինյանն իր թիմակիցների հետ Սյունիքի մարզի Շուռնուխ գյուղում այցելել են մի շարք բնակիչների տներ:

Այդ բնակիչներից մեկն, այսօր «Թերթ»-ի հետ զրույցում մանրամասներ է հայտնել դեպքից և պատմել, թե ինչպես է իշխանությունը մտել իրենց տուն. «Հարցրին՝ կարա՞նք ներս գանք, ասացի՝ ոչ: Ասացի՝ ես Փաշինյանին չեմ ընդունում: Դուռը փակեցի, ներս մտա, տենամ էլի դուռը թակում են: Ես իրանց ասել էի՝ չեմ ընդունում, չեմ կարող ընդունել, դուռը փակեցի, եկա ներս, ասեցի՝ կգնան, երևի: Մեկ էլ տենամ, դուռը էլի ծեծում են: Հելա, տեսա էլի իրանք են՝ իրենց կուսակցությունով, ներխուժեցին տուն: Եկան ներս, նայեցին-նայեցին տանը, ասեցի՝ կներեք, հողամասից ենք եկել, մի քիչ հաց կերանք, տները թափթփված է մնացել: Նայեց-նայեց, ասեց՝ էս կարգավիճակով ո՞նց եք էստեղ մնում: Ասեցի՝ դե մեր պայմաններն էլ էսի ա: Հարցին՝ բա խի՞ չեք աշխատում, ասեցի՝ ես երեխու դաստիարակությամբ եմ զբաղված: Դրանից հետո թողին, գնացին: Մեկ էլ տենամ ցեպիտ արած իրանց անվտանգությունով էս կողմից եկան, էն կողմով թողին, գնացին»,- պատմում է շուռնուխցի կինը:

Մանրամասները՝ տեսանյութում: