«Ուզում են շատ մարդ տանել կալանքի, որ գլխատեն Սյունիքը»․ Վահե Հակոբյան

Սյունիքի նախկին մարզպետ Վահե Հակոբյանը այլ սյունեցիների հետ գտնվում է ՔԿ-ի մոտ։ Լրագրողների հետ զրույցում Վահե Հակոբյանը նշեց, որ ըստ իրեն, նպատակ կա երկու ամսով կալանավորել Մեղրու քաղաքապետ Մխիթար Զաքարյանին։ Նրա խոսքով՝ 20-ից ավելի բերման ենթարկվածներ ու ձերբակալվածներ կան։

«Նույն Շուռնուխի գյուղապետի եղբորը մտել են ու հիվանդ վիճակում գիշերով տարել են անհայտ ուղղությամբ․․․ Իրանք ուզում են հնարավորինս շատ մարդ տանել կալանքի, որ հետո մյուսների վրա ցուցմունք տան ու գլխատեն Սյունիքը, իսկ ինքը տենց, իրա կապիկություններով հանդերձ, գա Սյունիք ու փորձի պոպուլիզմն ու ցինիզմը միքս արած՝ ընտրարշավ անի»,- ասաց Հակոբյանը։