«Էսօրվա հանրահավաքը աշխարհաքաղաքական է». Արմեն Աշոտյան

ՀՀԿ փոխնախագահ Արմեն Աշոտյանն այսօր ընդդիմության հրավիրած հանրահավաքին՝ լրագրողների հետ զրույցի ժամանակ նշեց, որ ՀՀԿ-ն ակցիայի կազմակերպման հարցում աշխատանքներ չի տարել, պարզապես եկել են սատարելու իրենց գործընկերներին և «այստեղ են որպես ՀՀ քաղաքացիներ, ովքեր տեսնում են մեծ վտանգ Հայաստանի ապագայի հարցում»:

«Էսօրվա հանրահավաքը աշխարհաքաղաքական է, որովհետև այսօր աշխարհի քարտեզում Շուռնուխը, Կապանը, Գորիսը, Սիսիանն ունեն կարևորագույն նշանակություն, էլ չասեմ Մեղրիի ու Ագարակի մասին»,- հայտարարեց Աշոտյանը: