«ՌԴ-ի ներկայացուցչի ուղեկցությամբ էր Փաշինյանը ժամանել Սյունիք. ինչո՞ւ, ի՞նչ է կատարվում». Ժաննա Ալեքսանյան

«Կան վերլուծություններ, ըստ որոնց՝ Սյունիքը մտնում է Լավրովյան պլանի մեջ»,- «Ֆակտոր»-ի եթերում հայտնել է

«Լրագրողներ հանուն մարդու իրավունքների» ՀԿ ղեկավար, իրավապաշտպան Ժաննա Ալեքսանյանը՝ հավելելով՝ զգացվում է, որ Սյունիքի վրա կենտրոնացում կա, ուրեմն՝ այդ կենտրոնացումը հենց այնպես չէ:

«Ես չգիտեմ՝ ինչ կլինի Հայաստանի հետ, եթե իրոք ինչ-որ կարգավիճակ տրվի Սյունիքին: Երեկ հարցազրույցներ լսեցի, որտեղ ասվում էր, որ Ռուսաստանի ներկայացուցչի ուղեկցությամբ էր Փաշինյանը ժամանել Սյունիք, և մենք ոչ մի բանից տեղյակ չենք: Այս իշխանությունների գործունեության ոչ թափանցիկությունը բերում է այս իրավիճակին: Ինչո՞ւ մենք այդ մասին չգիտենք, ինչո՞ւ ես դու նրա ուղեկցությամբ գնում, ի՞նչ է կատարվում, ինչո՞ւ մենք չպետք է իմանանք մեր հայրենիքի ամեն մի կտոր հողի, տարածքի մասին, կամ այն մարդիկ, որ ապրում են Սյունիքում, չպե՞տք է իմանան՝ ինչ է կատարվում: Հիշում ենք՝ ինչ կատարվեց պատերազմի ժամանակ, դատարկեցին Շուշին, Քելբաջարը, մարդիկ իրենց տները վառեցին, հեռացան, սարսափելի տեսարաններ էին, որոնք մենք չենք մոռանա: Չեմ ուզում հավատալ, որ Սյունիքում էլ այդպես կլինի, բայց մենք պետք է հասկանանք՝ ինչ է տեղի ունենում: Եվ իշխանությունը, վարչապետը պարտավոր է տեղեկացնել մեզ, բայց վտանգավոր լռություն է, և մենք տեսնում ենք, որ դա շատ հաճախ ի շահ Ռուսաստանի է»,- ասել է Ալեքսանյանը:

Մանրամասները՝ տեսանյութում: