«Խուժանը պիտի տեղ չունենա ՀՀ-ում». Հարություն Մկրտչյան

Ռուսաստանաբնակ քաղաքագետ Հարություն Մկրտչյանը ֆեյսբուքյան եթերում անդրադարձել է Մեղրիի միջացքի, Սյունիքի դեպքերի և արտահերթ ընտրությունների թեմային:

«Բողոքեք, ցույցեր անցկացրեք, ըմբոստացեք, բայց ամեն ինչ չափի ու օրինականության սահմաններում է ճիշտ ու գեղեցիկ: Կանգնել, կանանց ու աղջիկների, աշխարհի առաջ սեռական բնույթի հայհոյանքներ տեղալ, սա խուլիգանություն է: Ակնկալում եմ ՀՀ ոստիկանությունից, դատախազությունից, որ իրենց ձեռքի տակ եղած միջոցները կիրառեն՝ թաղային խուժանին իր տեղը նստեցնելու համար: Ազատությունը, ժողովրդավարությունը շփոթել եք անարխիայի և ամենաթողության հետ»,- ասաց նա՝ կոչ անելով ՀՀ իշխանություններին, իրավիճակի լարվածության դեպքում, հետաձգել ընտրությունները և դրանք անցկացնել՝ երկրում օրինականություն հաստատելուց հետո: