«Հիշածը և պահանջածն ստանալու համար հզորանալ է պետք». Ռուբեն Հայրապետյան

Հայաստանի պետական տնտեսագիտական համալսարանի ռեկտորի նախկին ԺՊ Ռուբեն Հայրապետյանը ֆեյսբուքյան իր էջում գրել է. «Ո՛չ, սիրելի՛ հայրենակիցներ, Թուրքիայի դրոշը չի այրվել, որովհետև դա ճիշտ է կամ սխալ է: Թուրքիայի դրոշն այրվել է, որովհետև դա հեշտ է, շատ հեշտ է:
Եկե՛ք ուղղակի ճիշտ մեկնաբանենք երևույթների միջև պատճառահետևանքային կապերը, որովհետև սա մասնավոր, իրավիճակային դեպք չէ: Սա մեր հասարակության ու պետության խորքային խնդիրների հիմնական բնութագրիչներից է. անել այն ամենը, ինչ հեշտ է և ամբոխահաճո, սակայն շատ դեպքերում նույնիսկ չնչին, ակնհայտ գործողությունները չանել՝ իրավիճակը փոխելու ու բարձրաձայնվող խնդիրները լուծելու ուղղությամբ, որովհետև վերջինս բարդ է, ռիսկային է և որոշակի անհատական զրկանքներ է պահանջում: Նույնիսկ Հայոց ցեղասպանության վերաբերյալ հիմնական կարգախոսը՝ «Հիշում եմ և պահանջում», կարծես, շատերի համար գործողությունների և պատասխանատվության շրջանակի սահմանագիծն է դարձել, որ ընդամենը պետք է հիշենք և պահանջենք, դրանով մեր պարտքը կատարած համարենք և մեր խղճի առջև հանգիստ լինենք: Այն դեպքում, երբ հիշածը և պահանջածն ստանալու համար՝ նախևառաջ հզորանալ է պետք, իսկ հզորանալու համար նախևառաջ առաջնային, նվազագույն գործողություններ պետք է կատարել՝ յուրաքանչյուրն իր ոլորտում, իր աշխատանքում, առանց ձևականությունների: Եվ եթե չունենք այդ վճռականությունն ու կամքը կամ բավականաչափ ազնիվ չենք դա խոստովանելու համար, ապա շարունակելու ենք միայն հիշել, պահանջել և տեքստիլի նոր կտորներ այրել: Ես կարծում եմ, որ ունենք…»: