«Կարևոր համարեցի հրաժարական տալ հենց այս օրը». Փաշինյան

Քիչ առաջ ուղիղ միացմամբ իր հրաժարականի ուղերձը ներկայացնելով՝ Նիկոլ Փաշինյանը ասաց. «Ես կարող էի հրաժարական տալ ոչ պարտադիր այսօր, բայց կարևոր համարեցի հրաժարական տալ հենց այսօր՝ ՀՀ քաղաքացու օրը: Մենք քաղաքացուց ստացած իշխանությունն այս օրը վերադարձնում ենք իրեն, որպեսզի նա որոշի իշխանության հետագա ճակատագիրն ազատ, արդար, մրցակցային ընտրություններով»:

Նիկոլ Փաշինյանն ասաց նաև, որ պետք է ուժ ու կորով ունենալ, որպեսզի ապահովվի գերեվարվածների վերադարձը և վստահեցրեց բոլորին, որ Արցախում և Հայաստանում ապագա կա և այդ ապագայի կերտումն սկսվում է այսօր: