«Մենք կատարում ենք ամենամեծ սխալը, որից պետք է ամեն գնով խուսափեինք». Ստ. Դանիելյան

Քաղաքագետ Ստեփան Դանիելյանը ֆեյսբուքյան իր էջում գրել է․ «Մենք կատարում ենք ամենամեծ սխալը, որից պետք է ամեն գնով խուսափեինք։
Ոչ մի պարագայում չպետք էր թույլ տալ ներքաղաքական կյանքն աշխարքաղաքական պայքարի թատերաբեմ սարքելը, դա այն է, ինչից պետք է ամեն գնով խուսափեինք, ամեն գնով։
Անում ենք ճիշտ հակառակն, ավելին՝ փրփրակալած բերաններով, վերջին ու միակ ճշմարտությունն ուղեղների մեջ դաջված մարդիկ գնում են մարտի՝ ընտրությունների։
Ժամանակին Արևմուտքն ու Արևելքը Կորեայում, Վիետնամում էին իրար հետ հարաբերություններ պարզում, հիմա Սիրիայում ու Ուկրաինայում։ Մենք վիետնամցիների և կորեացիների չափ մարդկային ու բարոյական ռեսուրս չունենք, որ նման զարգացման դեպքում թեկուզ շարունակենք պարզ գոյատևումը։
Կա նաև Ֆինլանդիայի օրինակը, ով թույլ չտվեց իրեն ներքաշել ուրիշների կռվի մեջ և շահեց։
Դե, ինչ արած, իր ու ուրիշների սխալների վրա սովորել չկարողացող ժողովուրդն ինքն է ընտրում իր դաժան ճակատագիրը։ Անգամ իր ցեղասպանությունից գլխավոր հետևությունն անելու անկարողությունը փակում է բոլոր դռները»: