«Էրդողանի ասածը խոստովանական ցուցմունք է»․ Վահրամ Աթանեսյան

Քաղաքական վերլուծաբան Վահրամ Աթանեսյանը ֆեյսբուքյան իր էջում գրել է․ «Էրդողանը հայտարարել է, որ 1915թ. ապրիլի 24-ին «մարդկային ողբերգության տեսակետից ոչինչ չի եղել, ձերբակալվել է փակված հակապետական կազմակերպությունների 235 անդամ»: Խոսքը պոլսահայ մտավորականների ձերբակալության մասին է: Նա ասել է, որ խոսում է «փաստաթղթերով»: Կարելի՞ է ենթադրել, որ փաստաթղթավորված է նաև նրանց աքսորը և սպանությունը: Էրդողանը կարո՞ղ է, ի մասնավորի, վկայել, թե որտե՞ղ և ի՞նչ հանգամանքներում է սպանվել Օսմանյան խորհրդարանի անդամ Գրիգոր Զոհրապը: Ո՞ր դատարանը, ե՞րբ և ինչպե՞ս է ապացուցել նրա և մյուսների «հակապետական գործունեությունը» և ի՞նչ դատավճիռ է կայացրել: Էրդողանի ասածը խոստովանական ցուցմունք է»: