«Այո՛, մենք ունեցել ենք վնգստացող դատավորներ». իմքայլական պատգամավոր

«Հանրության աչքի առաջ խուլիգանություն է կատարվել մի քանի խուլիգանների կողմից, ովքեր իմ կարծիքով ուղղորդված են գործել: Հանրությանը պարզ է, թե որ կողմից է ուղղորդված, այդ ամենն ունի քաղաքական հստակ ուղղորդումներ, հետևաբար, ցանկացած խուլիգանի արարք՝ կլինի երկրի ղեկավարի հանդեպ, թե ՀՀ սովորական քաղաքացու հանդեպ, պետք է, այո՛, կոշտ իրավական գնահատականի արժանանա»,- անդրադառնալով Գորիսի փոխքաղաքապետ Մենուա Հովսեփյանի նկատմամբ ոստիկանությունում բռնի գործողությունների կիրառմանը և Սյունիքում տեղի ունեցած միջադեպին, որն ուղեկցվել էր հայհոյանքներով, այսօր ԱԺ ճեպազրույցում ասաց «Իմ քայլը» խմբակցության պատգամավոր Կարեն Սարուխանյանը:

Լրագրողների դիտարկմանը, թե երկրի ղեկավարն ինքն է հրապարակայնորեն «շնաբարո դուրսպրծուկ», «վնգստացող դատավորներ» արտահայտություններ թույլ տվել, իմքայլական պատգամավորն ասաց. «Այո՛, մենք ունեցել ենք վնգստացող դատավորներ, երբ որ 30 տարի շարունակ երկիրը թալանել են, խոսքը դրանց մասին է: Հայաստանի ցանկացած քաղաքացի, ով որ նման վարքագիծ դրսևորի իմ համար խուլիգան է»,- ասաց Կ. Սարուխանյանը: