«Սունիքում ամեն պահի թուրքը կարա ճանապարհից մարդ տանի»․ Սասուն Միքայելյան

Այսօր՝ ԱԺ պաշտպանության և անվտանգության հարցերի մշտական հանձնաժողովի նիստի ժամանակ, «Իմ քայլը» խմբակցության պատգամավոր Սասուն Միքայելյանը, դիմելով ԱԱԾ տնօրենի տեղակալ Ստեփան Մելքոնյանին, ասաց․ «Վերջին պատերազմից հետո սահմաններում մեծ փոփոխություններ են եղել, հատկապես Սյունիքի տարածաշրջանում 520 կմ նոր սահման է։ Այդ սահմանի ապահովումն ինչպե՞ս է իրականացվում։ Ես եղել եմ, ճանապարհը՝ բաց, էն կողմը թուրքն ա, էս կողմը մենք ենք․․․ Մի հատ անհասկանալի իրավիճակ ա։ Պարզ ասեմ, թաքցնելու բան չկա՝ ընդեղ ամեն պահի կարա թուրքը ճանապարհից մարդ տանի։ Պիտի մի հատ տենց դեպք լինի, նոր մտածե՞նք»։
Ի պատասխան՝ ԱԱԾ տնօրենի տեղակալն ասաց, որ Սյունիքում սահմանապահ զորքերի կողմից տեղադրված են սահմանային ուղեկալներ և իրականացվում է ծառայություն, որի նպատակ է ապահովել ազգաբնակչության անվտանգությունը։