«Եթե ժամանակին այդ պայմանագիրը ստորագրվեր, գուցե կունենար զսպիչ նշանակություն»․ Վահրամ Աթանեսյան

Քաղաքական վերլուծաբան Վահրամ Աթանեսյանը ֆեյսբուքյան իր էջում գրել է․ «Ապրիլյան քառօրյայից հետո նախագահ Սերժ Սարգսյանը հայտարարեց, որ տվել է Արցախի հետ ռազմա-քաղաքական պայմանագրի նախապատրաստման հանձնարարական: Որոշ ժամանակ անց փոխարտգործնախարար Շավարշ Քոչարյանն ասաց, որ փաստաթուղթը պատրաստ է, բայց հայկական երկու պետությունների միջև նման պայմանագիր այդպես էլ չստորագրվեց: Ինչո՞ւ: Որոշ ՀՀԿ-ականներ շանթուկրակ են թափում Արցախի իշխանության հասցեին: Զարմանալի է: Եթե ժամանակին այդ պայմանագիրը ստորագրվեր, գուցե կունենար զսպիչ նշանակություն, իսկ պատերազմի դեպքում առավել հստակ կլիներ Հայաստանի և Արցախի ԶՈՒ -երի փոխգործակցությունը, կառավարման համակարգը և աստիճանահարգությունը: Ֆորս-մաժորի մասին հարկավոր էր ժամանակին հոգալ: Ոչ թե երկու տարի «Վիեննայի օրակարգ» ֆռռացնել՝ քաջ իմանալով, որ դա ընդամենը ներքին լսարանի համար է»: