«Եթե հոկտեմբերի սկզբին պատերազմի ընթացքը պարզ էր, ինչո՞ւ էին մեր երիտասարդներին տանում մահվան, ո՞ւր են քրեական գործերը»․ Էլինար Վարդանյան

«Ձեր ոչ պատասխանատու վարքագծով է, որ մենք այսօր քաղաքական բանտարկյալի կարգավիճակով երիտասարդ ունենք։ Ձեր անգործության պատճառով է, որ մենք օր օրի վտանգում ենք Հայաստանի Հանրապետության ապագան։ Ո՞ւր են այն քրեական գործերը, որոնք պետք է հարուցվեին պատերազմից հետո»,- Դատախազության շենքի դիմաց բողոքի ակցիայի ժամանակ դիմելով Ոստիկանության և Դատախազության համակարգի աշխատակիցներին, ասաց «Այլընտրանքային նախագծեր» խմբի անդամ Էլինար Վարդանյանը։

Նա անդրադարձավ նաև Արցախի նախագահի կողմից արված հայտարարությանը. «Բոլորովին երեկ Արցախի նախագահը հայտարարեց, որ դեռ հոկտեմբերի սկզբին պարզ էր պատերազմի ընթացքը։ Հարգելի իրավապահներ, ձեզ չի՞ մտահոգում, որ եթե հոկտեմբերի սկզբին պատերազմի ընթացքը պարզ էր, ապա ինչու էին նրանք մեր երիտասարդներին տանում կրակի, գիտակցված մահվան։ Մտածեք յուրաքանչյուր քայլ անելուց առաջ։ Մտածեք իմ և ձեր երեխաների ապագայի մասին»։