«Քո մաքսիմումը, տղա ջան, հարթակից ելույթ ունենալն ու թերթ խմբագրելն էր». Արտակ Հարությունյան

Ակտիվիստ Արտակ Հարությունյանը ֆեյսբուքյան իր էջում գրել է. «Էսօր լսեցի Նիկոլ Փաշինյանի ելույթները, հարց ու պատասխանները։ Կուզեի հումորներ անել իրա «բարեբախտաբար մարդիկ մահանում են» լեզվի սայթաքման մասին, ծաղրել պատվաստումների առաջացրած բարդություններն ու սակավ մահերը ջուր խմելու հետ անհեթեթ համեմատությունը, հայտնել ապշանքս չինական պատվաստանյութի հետ կապված ցինիկ պահվածքից, բայց սրանք ու սրանց նման լիքը բաներ անէական մանրուքներ են, երբ լսելով էս մարդու խոսքը հասկանում ես, որ առ այսօր էլ չի հասկացել, թե ինչ է դիվանագիտությունը, թե ինչ է բանակցությունը, թե Արցախի խնդիրը ինչ է ու ոնց կարելի էր լուծել, թե պատերազմն ինչ է, ու ոնց կարելի էր կանխել կամ շուտ կանգնեցնել։ Ուղղակի չի հասկանում։ Խելքն էդքան չի հասնում։ Ու դեռ հավակնում է վերընտրվել։ Ու կառավարել երկիրը, կարծելով, որ միայն կոսմետիկ ինչ-որ հարցեր լուծելով կարող ես երկիր պահել, իսկ իրականում ամեն օր հնարավոր նոր աղետի պատճառ կարող ես դառնալ։ Որտև քո մաքսիմումը, տղա ջան, հարթակից ելույթ ունենալն ու թերթ խմբագրելն էր։ Էդ վատ չէիր անում։ Բայց մակարդակդ դրանից չաճեց։ Քեզնից ի՞նչ երկրի ղեկավար»։