«Իմ քայլը» լքած Աննա Գրիգորյանը միանում է «Վերածնվող Հայաստան» կուսակցությանը

Աժ պատգամավոր Աննա Գրիգորյանը որոշում է կայացրել քաղաքական ուղին շարունակել «Վերածնվող Հայաստան» կուսակցության հետ։ Այս մասին այսօր Ազգային ժողովում լրագրողների հետ զրույցում ասաց պատգամավորը։

««Վերածնվող Հայաստան» կուսակցությունը ստեղծվել է իր հիմքում ունենալով Սյունիքը։ Այն հետպատերազմյան Հայաստանում ստեղծված կուսակցություն է, որը կարծում եմ՝ ստեղծվել է անհրաժեշտաբար, որովհետեւ գործող իշխանությունը համապատասխան ջանքեր և արդյունավետ գործողություններ չի իրականացրել և անտարբերության է մատնել Սյունիքը։ Այս կուսակցության կորիզը Սյունիքի համայնքապետերն են, և այն նպատակ ունի վերածնելով Սյունիքը՝ այն տարածի ամբողջ Հայաստանում»,-ասաց Ա. Գրիգորյանը: