«Հայաստանը և Ռուսաստանը դատապարտված են լինել միասին»․ Արման Աբովյան

«Հայաստանը և Ռուսաստանը դատապարտված են լինել միասին՝ լավ իմաստով»,- այսօր՝ լրագրողների հետ ճեպազրույցում հայտարարեց ԲՀԿ-ական պատգամավոր Արման Աբովյանը։

Անդրադառնալով ՌԴ ԱԳ նախարար Սերգեյ Լավրովի այցին Հայաստան, ապա Բաքու՝ Աբովյանն ասաց․ «Լավրովի այցը Հայաստան չափազանց կարևոր է, ըստ էության, տարածաշրջանային պրոցեսներ են գնում, և Ռուսաստանը ոչ միայն հետամուտ է լինում այդ պրոցեսներին, այլև առանց իրեն ոչ մի պրոցես տեղի չի ունենում։ Ինչ վերաբերում է Լավրովի Բաքու գնալուն, մենք գիտենք, որ Ռուսաստանը փաստացի թիվ մեկ մոդերատորն է տարածաշրջանում»։