«Այս իշխանությունը բերում է մահ, տառապանք և ավերում է այն, ինչին դիպչում է». Ռոբերտ Քոչարյան

ՀՀ 2-րդ նախագահ Ռոբերտ Քոչարյանն այսօր իր ելույթի ժամանակ նշեց այն պատճառները, որոնց հիման վրա ներկայիս իշխանությունը պետք է հեռանա:

«Այս իշխանությունը հանդիսանում է մեր պարտության սիմվոլը, մեր պարտության դեմքը, ձայնը: Այսպիսի դեմքով, այսպիսի ձայնով մենք չենք կարողանա կառուցել մեր ապագան: Հնարավոր չէ առաջ գնալ՝ նման կնիք ժողովրդի ճակատին ունենալով: Դա ուղղակի անհնար է: Այս իշխանությունը մեղավոր է 5000 զոհերի համար, 11000 վիրավորների համար և 35000 անօթևան մեր հայրենակիցների համար: Այս իշխանությունը բերում է մահ, բերում է տառապանք և ավերում է այն, ինչին դիպչում է: Դավաճանության և Արցախի վաճառքի կասկածը մեր ժողովրդի մոտ մնալու է այնքան ժամանակ, ինչքան մնան իշխանության այս մարդիկ...: Այս սիշխանությունը հետևողականորեն քանդում է երկրի տնտեսությունը. խոստացել են թռիչքաձև աճ, ապահովել են թռիչքաձև անկում: Այս իշխանության օրոք աճել է աղքատությունը, աճել է արտաքին պարտքը: Այս երեք տարում, ըստ էության, աճել է միայն աղքատությունը և գերեզմանների քանակը»,- հայտարարեց Քոչարյանը՝ հավելելով, որ իշխանությունները որևէ նախընտրական խոստում չեն կատարել: