Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Շուշիում ես ոչ մի հնարավորություն չեմ ունեցել, բացի ոգի տալուց». Սեյրան Օհանյան

«Շուշիում ես ոչ մի հնարավորություն չեմ ունեցել, բացի ոգի տալուց». Սեյրան Օհանյան
282
Կիրակի, 09 մայիսի, 2021 թ., 19:32

«Հայաստան» դաշինքի հանրահավաքից հետո լրագրողների հետ զրույցում պաշտպանության նախկին նախարար Սեյրան Օհանյանը, պատասխանելով հարցին՝ ինքը ևս Շուշիի պաշտպանությանն է մասնակցել, արդյոք պարտության մեջ իր մեղքի բաժինը չկա՞, պատասխանեց. «Պետական կառավարման համակարգում կարող են դերակատարում ունենալ այն անձինք, որոնք պետական և ռազմական պաշտոնների են նշանակված և ունեն լծակներ ռազմական գործողություններ ղեկավարելու: Այսինքն, հրամանատարը պետք է ունենա շտաբ, իր զորատեսակներով, իմանա դրանց վիճակը, կարողությունները, հնարավորությունները: Ես 4 տարուց ավելի է, պաշտպանության նախարար չեմ: Ես կամավոր կերպով մեկնել եմ Արցախ, ինչով կարողացել եմ Արցախի նախագահին աջակցել եմ: Տարբեր վայրերում եմ եղել, նաև Շուշիում, աշխարհազորի ձևավորմանը որոշակի աջակցություն եմ ցուցաբերել: Լիարժեք կառավարում իրականացնողը միայն գործող ռազմական գործիչներն են: Ես այնտեղ որևէ հնարավորություն չեմ ունեցել, բացի իհարկե, ոգի տալուց, աջակցելուց»:

Լրագրողի դիտարկմանը, որ Արծրուն Հովհաննիսյանը հայտարարել էր, որ Շուշին ազատագրած Սեյրան Օհանյանը հիմա էլ Շուշիի պաշտպանությունն է ապահովում, նախկին ՊՆ նախարարը պատասխանեց. «Այն ինչ-որ ասել է Արծրուն Հովհաննիսյանը, երևի նկատի է ունեցել ոգևորելու գործոնը. նա շատ բան է ասել, հիմա բոլորին հավատա՞նք»:

Առավել մանրամասն՝ տեսանյութում: