«Անտերություն ա, ով ոնց ուզում ա՝ աշխատում ա»․ մայրաքաղաքում որոշ երթուղիներ կաթվածահար վիճակում են

Ինչպես արդեն հայտնել ենք, այսօր Ջրվեժի և Չարբախի ավտոպարկերում ավտոբուսների ու երթուղայինների վարորդները բողոքի ակցիա են իրականացնում։ Որոշ երթուղիներ կաթվածահար վիճակում են։ Քաղաքացիները կանգառներում ժամեր շարունակ սպասում են տրանսպորտի։

«Վերին աստիճանի վատ են աշխատում․․․ Առաջ լավ էին, հիմա անտերություն ա․ ով ոնց ուզում ա՝ աշխատում ա․․․ Ոչ մեկից չեն վախենում, այլևս հսկող չկա։ Ամեն մարդ մեկին մի բան ա տալիս, էս հարցերը ներքին կարգով լուծում են»,- ասաց տրանսպորտի սպասող կանանցից մեկը։