«Եթե հայկական կողմը չպատասխանի Պետդեպի ձևակերպումներին, ուրեմն ընդունել ենք, որ դրանք վիճելի տարածքներում դեմարկացիոն գործընթացներ են»․ միջազգայնագետ

Միջազգայնագետ Սուրեն Սարգսյանը ֆեսբուքյան իր էջում գրել է. «Պետդեպի վերջին հայտարարությունների մասին
Եթե հաշված ժամերի ընթացքում հայկական կողմը չպատասխանի Պետդեպի «վիճելի տարածքներ», ինչպես նաև «դեմարկացման հարցեր» ձևակերպումներին, կարող եք համարել, որ համանախագահ ամերիկացիները նաև հայկական կողմի հետ են համաձայնեցրել այս ձևակերպումները:
Այսինքն՝ մենք էլ նախապես ընդունել ենք, որ դրանք վիճելի տարածքներում դեմարկացիոն գործընթացներ են:
Իսկ, եթե հայտարարությունների հետ մենք համաձայն չենք, ուրեմն ադրբեջանցիներն աշխատել են ամերիկյան կողմի հետ, իսկ մենք՝ ոչ:
Մի քանի ժամից պարզ կլինի»: