«Գոնե նախկիններն իրանց հաշվին էին կաշառում ընտրազանգվածին, իսկ սա՝ պետական բյուջեի»․ Գևորգ Պետրոսյան

«Նա ո՞վ ա, որ մեր նպատակը իրա հեռացումը լինի։ Որ ասում ենք նա պիտի հեռանա, ժողովուրդը դա ընկալում ա որպես աթոռակռիվ, պաշտոնի կռիվ։ Մեր նպատակը միջոցն է՝ Հայաստանը և հայ ժողովրդին էս վիճակից դուրս բերելու համար»,- «Հայելի» ակումբում ասուլիսի ժամանակ անդրադառնալով ներքաղաքական զարգացումներին՝ ասել է անկախ պատգամավոր Գևորգ Պետրոսյանը։

«Ինքը նախկիններին միշտ քննադատում էր նախընտրական կաշառքներ տալու մեջ, ասում էր՝ դուք նախընտրական կաշառք եք տալիս։ Գոնե նախկիններն իրանց հաշվին էին հանրությանը կաշառում, թեպետ դա որևէ արդարացում չունի, իսկ սա պետական բյուջեի հաշվին է կաշառում ընտրազանգվածին, ինչն ավելի վտանգավոր է։ Այսինքն՝ քո, իմ, մյուսի աշխատավարձի հաշվին ինքը ընտրակաշառք է բաժանում»,- ասաց պատգամավորը։