«ՀՀ քաղաքացին պե՛տք է իմանա՝ որտեղ է հայտնվելու ընտրությունից հետո». Էդգար Առաքելյան

«Իմ քայլը» խմբակցության նախկին անդամ Էդգար Առաքելյանը ֆեյսբուքյան իր էջում գրել է. «Առաջիկա ընտրությունների մասնակցության հայտ ներկայացրած քաղաքական ուժերից մեկի առաջնորդը՝ երկրի վարչապետի ժամանակավոր պաշտոնակատարը, հրապարակային ու աներկբա հայտարարեց, որ Հայաստանը չի քննարկելու Զանգեզուրի միջանցքի հարցը։

Կենսական կարևորություն ունի մնացած բոլոր ուժերի առաջին համարների մակարդակով նույնաբովանդակ հայտարարությունների տարածումը։ ՀՀ քաղաքացին պե՛տք է իմանա՝ ում է ընտրում ու թե որտեղ են ինքը, իր ընտանիքն ու իր հայրենիքը հայտնվելու այդ ընտրությունից հետո։ Սա այլևս պետք է համար մեկ հանրային պահանջը դառնա հունիսի 20-ին ընդառաջ»։