Վարդենիսի սահմանային հատվածում ադրբեջանցիների կողմից հայկական դիրք չի գրավվել. ՊՆ-ը հերքում է

Տեղեկություններ են տարածվում, իբր «Վարդենիսի սահմանային հատվածում ադրբեջանցիների կողմից հայկական դիրք է գրավվել: Տեղեկատվության ստուգման կենտրոնի հետ զրույցում ՀՀ ԶՈՒ ԳՇ-ից կտրականապես հերքել են այդ տեղեկությունը. «Ոչ միայն ադրբեջանցիները հայկական որևէ դիրք չեն գրավել, այլև նույնիսկ տեսականորեն չէին կարող գրավել, քանի որ սահմանային այդ հատվածում, որտեղ ադրբեջանցիները փորձել են առաջխաղացում ապահովել, մարտական դիրքեր ուղղակի չկան, և դա ընդամենը բաց տարածք է, որը, ինչպես նաև այդտեղ գտնվող ադրբեջանցի զինվորականները, գտնվում են հայկական ստորաբաժանումների վերահսկողության տակ»,- հստակեցրել են ՀՀ ԶՈՒ ԳՇ-ից։